GURASOEN BISITAK

LANBIDEEN GAIAREKIN ARI GARELA ETA, GURASOEI GONBITEA LUZATU GENIEN GELARA ETORTZEKO,  BERAIEN LANBIDEAREN INGURUAN  ZENBAIT AZALPEN EMATERA ETA OSO ERANTZUN ONA  IZAN DUGU, GURASO ASKO ANIMATU BAITIRA.

AURRENA GALDETEGI BAT PRESTATU GENUEN

ETA  ONDOREN  BERAIEKIN HITZORDUA ZEHAZTU

LEHENENGO BISITA UXUERENA IZAN GENUEN.

PRIMERAN ERANTZUN ZITUEN GUK EGINDAKO GALDERAK.

BESTE EGUN BATEAN, BERRIZ,  UXUE ETA JOSU  IZAN GENITUEN BISITAN. 

BERAIEN LANBIDEAREN INGURUKO  OSO AZALPEN INTERESGARRIAK EMAN ZIZIKIGUTEN

JOSU ARGAZKI MAKINA ETA GUZTI ETORRI ZITZAIGUN

ETA AZKENEKO BISITA GARBIÑERENA IZAN GENUEN.

ARGAZKI  PILA EKARRI ZITUEN.

GURETZAT OSO GARRANTZITSUA DA ZUEN EKARPENA,  BERAZ, 

MILA MILA ESKER GUZTIOI!!!!!!!!!!

ANTTON KAZABON IDAZLEAREN BISITA ESKOLARA

GAUR, APIRILAREN 21A, OSTEGUNA, ANTTON KAZABON ETORRI ZAIGU ESKOLARA ETA HAUR HEZKUNTZAKO 3, 4 ETA 5 URTEKOAK ETA LEHEN HEZKUNTZAKO 1. ETA 2. MAILAKOAK ESKOLAKO GANBARAN BERAREKIN EGOTEKO AUKERA IZAN DUGU.

 ANTTONEK IPUINAK KONTATU DIZKIGU, 

 KOPLA BATZUK ERE KANTATU DIZKIGU ETA GURE IZENEKIN ERRIMATZEN ZUTEN KOPLAK  ASMATU DITU BAPATEAN. HONA HEMEN HORIETAKO BAT:

"NIRI NESKATXA HONEK

EGITEN DIT TILIN

ERAMANGO NUKE NIK

ETXERA KATTALIN"

ASMAKIZUNAK ERE JARRI DIZKIGU ETA BAITA ASMATU ERE!

1. ETA 2. MAILAKO IKASLEENTZAKO AHO-KORAPILOAK EKARRI DITU IRAKURTZEKO. EZ ZEN BATERE ERRAZA ONDO IRAKURTZEA BAINA BIKAIN EGIN DUTE JARRITAKO LANA.

ORDU BETEKO SAIOA DI-DA BATEAN PASA ZAIGU, OSO GUSTURA EGON GARA ETA ESKERRAK EMANEZ AGURTU DUGU  BESTE BAT ARTE.

MASAJE- HARTU ETA EMAN

TARTEKA, NEKATUTA GAUDENEAN, MUSIKA LASAIA JARRI ETA BINAKA JARRI ONDOREN ELKARRI MASAJEA EMATEN DIOGU. OSO GUSTURA EGOTEN GARA. GEHIENOI MASAJEA EMATEA BAINO HARTZEA GEHIAGO GUSTATZEN ZAIGU.
ZUEI?

OIHANEKO ANIMALIAK

IAZ BASERRIKO ANIMALIEI BURUZ ARITU GINENEZ, AURTEN OIHANEKO ANIMALIEI BURUZ ZENBAIT GAUZA IKASI DITUGU.

• AURRENA BAKOITZAK ANIMALIA BAT AUKERATU DUGU GELAN
• ONDOREN ETXEKO LIBURU, ALDIZKARIETAN ETA ORDENADOREAN INFORMAZIOA BILDU DUGU (EZAUGARRI GARRANTZITSUENAK, BEREZITASUN BAT, ZER JATEN DUEN, NOLA JAIOTZEN DA, ...), IDATZITXO BAT EGIN ETA GELAN BESTEEI AZALDU DIEGU
• INFORMAZIO GUZTIAREKIN LIBURUXKA BAT EGIN DUGU

BESTALDE, GELAN OIHANA IRUDIKATU DUGU ETXETIK EKARRITAKO JOSTAILUZKO ANIMALIEKIN.

ETA BUKATZEKO 2 URTEKOAK GONBIDATU DITUGU  "OIHANEKO ANIMALIAK" LIBURUAREN AURKEZPENERA ETA GURE OIHANA IKUSTERA. ADI ADI ENTZUN DITUZTE GUK EMANDAKO AZALPENAK ETA OIHANA ASKO GUSTATU ZAIE.